Sakfelldir fyrir morðið á XXXTentacion
Setja bókamerki
Þrír menn hafa verið sakfelldir fyrir morðið á rapparanum XXXTentacion, en hann var skotinn til bana í Flórída í Bandaríkjunum árið 2018. BBC greinir frá.
Kviðdómur í Flórída komst að þeirri niðurstöðu í dag að þeir Michael Boatwright, Dedrick Williams og Trayvon Newsome væru sekir en mennirnir þrír voru ákærðir fyrir manndráp af fyrstu gráðu í tengslum við dauða rapparans.
Þremenningarnir eiga yfir höfði sér lífstíðarfangelsi. Fjórði maðurinn, Robert Allen, hafði þegar játað aðkomu sína að morðinu.
/frimg/1/5/52/1055260.jpg)
Grímuklæddur maður skaut rapparann
Alvöru nafn rapparans var Jahseh Onfroy en hann hafði nýlega yfirgefið mótorhjólaverslun og var kominn inn í bíl sinn þegar svartklæddur maður með rauða grímu hljóp að bílnum og skaut hann.
Rapparinn var umdeildur þrátt fyrir ungan aldur. Áður en hann var myrtur hafði hann setið í stofufangelsi en vegna fyrirhugaðs tónleikaferðalags hafði hann nýlega fengið því aflétt.
Þá biðu hans einnig réttarhöld þar sem hann var ákærður fyrir að hafa beitt barnshafandi kærustu sína heimilisofbeldi.
Benda á Samgöngustofu sem bendir út í heim
Starfsfólk gæti fengið reikning frá Skattinum
Innviðir þandir og álagið „gríðarlegt“
Mikil skjálftavirkni á landinu áhyggjuefni
„Menn eru bara búnir að forgangsraða“
Þrjú og hálft ár fyrir skotárás í Úlfarsárdal
„Það er skiljanlegt að þolinmæði þeirra sé lítil“