Heldur Eurovision-partí í ráðherrabústaðnum
Þó Rishi Sunak, forsætisráðherra Bretlands, sé ekki þekktur fyrir að vera jafn mikið partídýr og forveri sinn í starfi, Boris Johnson, ætlar hann að blása til Eurovision-veislu að Downingstræti 10 í maí.
Í viðtali við BBC sagðist Sunak vera spenntur fyrir Eurovision-söngvakeppninni sem fram fer í Liverpool í maí. Bretland heldur keppnina ásamt Úkraínu, en vegna innrásar Rússa í Úkraínu fer keppnin fram í bretlandi.
„Þetta verður skemmtilegt kvöld,“ sagði forsætisráðherrann og bætti við að það yrði eflaust mikið um pallíettur, þó hann sjálfur ætlaði ekki að klæðast þeim.
„Við stefnum á að halda viðburð hér í Downingstræti, vonandi með úkraínskum fjölskyldum,“ sagði Sunak. Hann sagði það góða tilhugsun að geta boðið úkraínskum fjölskyldum á viðburð í tenglum við keppnina.
