Tveggja ára sonur fyrrum Glee–leikkonunnar Leu Michele, Ever Leo, var lagður inn á spítala í gær. Samkvæmt Michele glímir hann við alvarleg veikindi.
Broadway–stjarnan byrjaði á því biðja aðdáendur sína afsökunar á samfélagsmiðlinum Instagram þar sem hún lét vita af hverju hún gat ómögulega leikið hlutverk sitt, Fanny Brice í söngleiknum Funny Girl.
„Mér þykir þetta svo leitt en því miður verð ég ekki með í sýningu Funny Girl á Broadway í dag,“ sagði leikkonan. Samhliða því birti hún ljósmynd sem sýndi hendi leikkonunnar við handlegg Ever Leo, sem liggur í sjúkrarúmi með bangsa sér við hlið.
Leikkonan bað einnig aðdáendur sína um að senda ást og styrk til fjölskyldunnar.
Michele gaf engar frekar upplýsingar um ástand Ever Leo en hún eignaðist drenginn ásamt eiginmanni sínum, Zandy Reich í ágúst 2020.