Borgarstjóri boðar mynd af sér með broddaklippingu

Dagur B. Eggertsson borgarstjóri virðist hafa breytt um stíl þegar hann gekkst undir sumarklippinguna hjá konu sinni fyrr í dag. Miðað við færslu sem hann birti á Facebook hafa lokkarnir nú fengið að fjúka og boðar hann mynd af sér með broddaklippingu fái færslan 500 „like“.

„Jæja, þannig fór um sjóferð þá. Þurfti vissulega á klippingu að halda - og einsog mörg ykkar vita þá sér Arna um þá deild. En nú sagði hún að sumarið var á næsta leiti. Skellti sér í vinnugallann og þetta var rúning en ekki klipping,“ skrifar Dagur og veltir því jafnframt upp hvort kannski hafi verið kominn tími á breytingar.

Hvort um aprílgabb er að ræða er óvíst en líklega kemur það í ljós þegar færslan hefur fengið þau 500 „like“ sem borgarstjóri óskar eftir, en þeim fjölgar mjög hratt.

• 1 blogg um fréttina

Bloggað um fréttina

• Hallmundur Kristinsson: Kominn tími til að breyta