Sesselja Ósk stóð uppi sem sigurvegari

Sesselja Ósk, keppandi Fjölbrautaskóla Garðabæjar, vann í kvöld Söngkeppni framhaldsskólanna sem haldin var í 33. sinn. Sesselja söng sig inn í hjörtu áhorfenda með laginu Turn Me On en Norah Jones syngur lagið í upprunalegri útgáfu.

Keppnin var haldin af Sambandi íslenskra framhaldsskólanema í Hinu húsinu í Elliðaárdal en 24 skólar tóku þátt í keppninni. Þess má geta að húsband kvöldsins var Stuðlabandið sem útfærði öll lög með keppendunum.

Í tilkynningu frá sambandinu er haft eftir Andreu Jónsdóttur, forseta SÍF, að sjálfboðaliðar eigi hrós skilið.

„Keppnin var vel skipulögð frá ágúst 2022, allt starfsfólk og sjálfboðaliðar eiga mikið hrós skilið. Stjórn SÍF hefur lagt mikið í að keppnin haldi striki og að sú góða hefð að keppa í söng hverfi ekki úr íslensku menningarlífi innan skólanna."

• Blogga um frétt