Smári og Logi hrepptu Einarinn

Heimildarmyndin Heimaleikurinn hlaut í gær verðlaunin Einarinn sem veitt voru við hátíðlega athöfn á Skjaldborgarhátíðinni á Patreksfirði. Síðasti dagur heimildamyndahátíðarinnar var í gær.

Leikstjórar myndarinnar eru Smári Gunnarsson og Logi Sigursveinsson. Framleiðendur eru Stephanie Thorpe, Elfar Aðalsteins, Heather Millard og Freyja Kristinsdóttir. 

Frétt af mbl.is

„Allt sem hugurinn girnist“ á einni hátíð

Heimaleikurinn er gamansöm íþróttaheimildamynd um tilraun manns til að uppfylla draum föður síns; að safna í lið heimamanna til að spila langþráða vígsluleika á fótboltavelli sem faðirinn lét byggja á Hellissandi 25 árum áður. 

Dómnefndina skipuðu Anton Máni Svansson, kvikmyndaframleiðandi og meðeigandi Joni MotionPictures, Jón Bjarki Magnússon heimildagerðarmaður og Margrét Bjarnadóttir fjöllistakona, 

Heimildarmyndin Skuld hlaut hvatningarverðlaun. mbl.is/Guðlaugur Albertsson

Hvatningarverðlaun hátíðarinnar hlaut heimildarmyndin Skuld sem Rut Sigurðardóttir leikstýrði og framleiddi. Dómnefndarverðlaun hlaut Soviet Barbara sem fjallar um myndlistarmanninn Ragnar Kjartansson og opnun hans á nýju listasafni í Moskvu í Rússlandi. Gaukur Úlfsson leikstýrði. Framleiddi hann einnig myndina ásamt Guðrúnu Olsen, Guðna Tómassyni, Frey Árnasyni og Kristínu Ólafsdóttur. 

Soviet Barbara hlaut dómnefndarverðlaun. mbl.is/Guðlaugur Albertsson

Jóhanna Rakel varð limbómeistari hátíðarinnar í ár. mbl.is/Guðlaugur Albertsson

• Blogga um frétt