Er Kim Kardashian komin með nýjan elskhuga?

Svo virðist sem raunveruleikastjarnan Kim Kardashian sé komin með nýjan elskhuga. Eftir sambandsslit hennar og grínistans Pete Davidson í ágúst 2022, ákvað Kardashian að halda sig fjarri allri rómantík og taka sér hlé frá stefnumótum, en nú virðist eitthvað hafa breyst.

Undanfarna mánuði hefur Kardashian talað opinskátt um að vilja vera einhleyp og því ekki skrýtið að áhorfendum hafi verið brugðið þegar hún gaf í skyn að hún væri komin með nýjan elskhuga, í stiklu úr væntanlegum þætti The Kardashians. 

Í stiklunni er sýnt frá samræðum Kardashian og Scott Disick, fyrrverandi sambýlismanns systur hennar. “Vinir mínir vildu að ég hitti einhvern,“ sagði Kardashian við Disick, sem svaraði: „Við skulum kalla þennan gaur „Fred“ – stenst hann kröfur þínar?“

Kardashian var ekki lengi að svara og sagði elskhugann svo sannarlega uppfylla allar sínar kröfur. Þá kom „Fred“ einnig við sögu í annarri klippu þar sem Kardashian talaði við einn af framleiðendum þáttanna, sem gerir grín að því að hún hafi ætlað að taka sér tveggja ára pásu frá stefnumótum. 

• Blogga um frétt