Shakira og Hamilton stinga saman nefjum
Tengdar fréttir
Ást
Tónlistarkonan Shakira og formúlukappinn Lewis Hamilton eru sögð vera að stinga saman nefjum. Þau eru stödd á Spáni um þessar mundir þar sem þau hafa meðal annars sést eyða kvöldstund saman á veitingastað í Barcelona.
Shakira mætti á Formúlu 1-kappaksturinn í Miami í Flórída í síðasta mánuði, en þar náðust myndir af henni og Tom Cruise sem sagðist vera heitur fyrir poppdívunni. Shakira virðist þó hafa haft augastað á öðrum manni á brautinni.
Saman á báti eftir mótið
Orðrómur um rómantík milli Shakiru og Hamiltons fór svo á flug eftir að þau sáust saman á báti eftir mótið í Miami. Talið er að parið hafi upphaflega hisst á Cipriani í Miami, sem er vinsæll staður meðal fræga fólksins, og ákveðið að hittast aftur nokkrum dögum síðar að því er fram kemur á vef Page Six.
Á síðasta ári fór Shakira í gegnum erfið sambandsslit við knattspyrnumanninn Gerard Piqué sem voru áberandi í fjölmiðlum, en þau höfðu verið saman í 11 ár og eiga saman tvo syni. Ástæðan er talin meint framhjáhald Piqués með hinni 23 ára gömlu Clöru Chiu Marti.
Tengdar fréttir
Ást
