Sonur Seans „Diddys“ Combs handtekinn

Justin Combs, sonur rapparans, Seans „Diddys“ Combs, var handtekinn árla sunnudags grunaður um akstur undir áhrifum áfengis eða lyfja. Lögregla stöðvaði Combs, sem er 29 ára, eftir að hann sást aka bifreið sinni yfir á rauðu ljósi. 

Vefsíðan TMZ var fyrst til þess að opinbera handtökuna og birta myndir af Combs þar sem hann sést ræða við lögreglumann. Honum var sleppt nokkrum klukkustundum síðar gegn því að greiða 700 þúsund króna tryggingagjald. 

Sean „Diddy“ Combs á Justin með hönnuðinum Misu Hylton en tónlistarmaðurinn á fimm önnur börn úr öðrum samböndum.

• Blogga um frétt