Bubbi fær ekki nóg af nýja fjölskyldumeðlimnum
Bubbi Morthens tónlistarmaður.
mbl.is/Eyþór
Tónlistarmaðurinn Bubbi Morthens birti í morgun mynd af nýjasta fjölskyldumeðlimnum sem er einstaklega fallegur sveitahundur.
Félagarnir hafa verið duglegir í göngutúrum við Gróttu síðastliðna daga enda hefur blíðskaparveður leikið við borgarbúa þrátt fyrir smá kulda og rigningu.
Eins og flestir vita þá er Bubba annt um heilsuna og er tónlistarmaðurinn öflugur í ræktinni. Daglegir göngutúrar með nýjum vini munu án efa styrkja grunninn að góðu lífi, andlega og líkamlega.
Söngvarinn og eiginkona hans, Hrafnhildur Hafsteinsdóttir viðskiptafræðingur, festu kaup á fallegu einbýlishúsi á Seltjarnarnesi í ársbyrjun 2021 og er því nóg af fallegum gönguleiðum fyrir þá félaga og fjölskylduna að skoða saman.
