Eru Kardashian og Beckham að stinga saman nefjum?
Setja bókamerki
/frimg/1/44/64/1446457.jpg)
Raunveruleikastjarnan Kim Kardashian og NFL-stjarnan Odell Beckham Jr. eru sögð hafa eytt gæðastundum saman undanfarnar vikur.
Samkvæmt heimildamanni Page Six hafa Kardashian og Beckham verið dugleg að hanga saman síðustu vikur eftir sambandsslit Beckham og fyrrverandi kærustu hans, Lauren Wood.
Orðrómur um að þau séu að stinga saman nefjum hefur verið á flugi um Hollywood, en heimildarmennirnir segja að þau séu þó aðeins vinir og fullyrtu að Kardashian væri ekki að hitta neinn eins og er. Hins vegar sé hún opin fyrir því að finna ástina á ný ef hún hittir réttu manneskjuna.
Beckham og Wood eiga saman einn son sem kom í heiminn í febrúar 2022, en þau opinberuðu ástarsamband sitt árið 2019 en hættu saman fyrr á þessu ári. Kardashian á fjögur börn með fyrrverandi eiginmanni sínum Kanye West, en þau slitu sambandi sínu í febrúar 2021.
