„Hversu oft hugsar þú um rómverska heimsveldið?“

Nýtt æði hefur farið eins og eldur í sinu um samfélagsmiðilinn TikTok á undanförnum dögum og vakið mikla athygli. 

Flest könnumst við að hugsa reglulega um ákveðna hluti, eins og hvað eigi að vera í kvöldmatinn, hvort við eigum að taka jakka með okkur út eða hvort við höfum slökkt á helluborðinu heima. Samkvæmt nýja TikTok-æðinu virðist rómverska heimsveldið hins vegar vera ofarlega á þessum lista hjá mörgum, og þá sérstaklega hjá karlmönnum. 

Tiktok-æðið gengur út á það að notendur spyrja maka sinn hversu oft þeir hugsi um rómverska heimsveldið. Svörin koma þeim oftar enn ekki á óvart þar sem margir karlmenn segjast hugsa um það reglulega, allt frá því að hugsa um það einu sinni eða tvisvar í mánuði yfir í allt að þrisvar sinnum á dag.

Myndskeiðin hafa vakið gríðarlega athygli og hefur myllumerkið #romanempire fengið milljónir áhorfa og hafa fjölmörg myndskeið þegar birst á miðlinum. 

• Blogga um frétt