Talinn hafa látist af slysförum

Krufning réttarmeinafræðins hefur leitt í ljós að mestar líkur eru á því að Euphoria-leikarinn Angus Cloud hafi látist af völdum ofskömmtunar lyfja. 

Í blóði hans fannst kókaín, fentanýl, metamfetamín og svefnlyf.

Niðurstaðan er sú að um hafi verið að ræða slys en áður höfðu verið uppi vangaveltur þess efnis að leikarinn hefði tekið sitt eigið líf.

Cloud skaust upp á stjörnuhimininn þegar hann fór með hlutverk Fezco „Fez“ O'Neill í Euphoria þáttunum. Svo óvenjulega vildi til að honum var boðið hlutverk eftir að hann var stöðvaður úti á götu þegar hann var á göngu um götur New York-borgar og boðið í leikprufur. 

Hann taldi fyrst að um verið væri að hafa hann að fífli en eftir að framleiðendur þáttanna ítrekuðu áhuga sinn sló Cloud til. Varð hann fljótlega eftirlæti aðdáanda þáttanna og úr varð að hann var önnur tveggja aðalpersóna þáttanna. 

Frétt af mbl.is

Euphoria-leikari látinn

• Blogga um frétt