Aldrei séð heitara par
Setja bókamerki
Hollywood-leikkonan Scarlett Johansson segir að mótleikari sinn, Channing Tatum, sé í einu kynþokkafyllsta sambandi heims. Tatum trúlofaðist leikkonunni Zoë Kravitz í fyrra eftir tveggja ára samband.
„Þau eru hræðilega óaðlaðandi par,“ sagði Johansson kaldhæðnislega í viðtali við ET á frumsýningu myndarinnar Fly Me to the Moon á dögunum en Tatum leikur einnig í myndinni. Johnson segir Tatum og Kravitz ótrúlega fallegt par. „Þetta er heitasta par sem ég hef séð. Það er fáránlegt,“ sagði hún um þau.
Ekki nóg með að vera falleg segir Johnson þau líka góðar manneskjur. „Það er ekki erfitt að falla fyrir Channing Tatum. Hann er bara yndislega hlýr, sjarmerandi persóna og mjög fagmannlegur. Hann er svo góður, tökuliðið elskar hann,“ sagði Johansson um Tatum og sagði hann líka vera mjög fyndinn. Hún var einnig jákvæð í garð Kravitz. „Hún er líka yndisleg, sönn manneskja og falleg að innan sem utan.“
Parið Tatum og Kravitz kynntust árið 2001 þegar Kravitz leikstýrði Tatum í myndinni Blink Twice. Parið sést sjaldan opinberlega saman og talar ekki um ástina í fjölmiðlum.
Taldi ærumeiðingar felast í ákúrum
1,5 milljarðar í endurgreiðslur í ár
Stórauka flutningsgetu á heitu vatni
Ítrekað sektaður fyrir að leggja í einkastæði sínu
Fagna því að réttaróvissu sé eytt
Hafa „líklega drepið“ leiðtoga Hamas
100 milljóna svik koma ekki á óvart
Óviðbúin sprengingu sem líktist helst gikkskjálfta