Fyrsta konan í heiminum til að lyfta Fullsterkum

Fullsterkur átti ekki roð í í þýsku kraftlyftingarkonuna.
Fullsterkur átti ekki roð í í þýsku kraftlyftingarkonuna. Skjáskot/Instagram

Sandra Bradley, þýsk kraftlyftingakona, varð á dögunum fyrsta konan í heiminum til þess að lyfta Fullsterkum, 154 kílógramma steini á Snæfellsnesi. 

„Ferlið við að finna út úr því hvernig eigi að lyfta stórum, undarlega í laginu, steinum er eitthvað sem ég kann vel við,“ skrifar Bradley á Instagram.

Hún var einnig fyrsta konan í heiminum til þess að lyfta Húsafellshellunni alræmdu.

Hafþór Júlíus lyfti steinum árið 2022

Í Dritvík í Djúpalónssandi eru fjórir aflraunasteinar sem kraftlyftingarmenn hafa spreytt sig á í gegnum árin, þótt saga þeirra sé 400 ára gömul. Sjómenn þurftu áður fyrr að sanna styrk sinn með því að lyfta steinunum.

Hafþór Júlíus Björnsson lyfti einmitt þyngsta steininum árið 2022 og Morgunblaðið tók hann í viðtal í kjölfarið.

„Afi minn var með mér og leiðbeindi mér. Ég náði ekki taki á stein­in­um í fyrstu til­raun held­ur þurfti ég að reyna við hann nokkr­um sinn­um. Það var ekki fyrr en afi sagði við mig: „Hafþór, hafðu hönd­ina aðeins lengra til hægri,“ af því að hann lak alltaf úr hönd­un­um á mér þar sem hann leitaði til hliðar. Þannig að ég hlustaði auðvitað á hann, mann með margra ára reynslu, og næ hon­um loks upp,“ sagði Hafþór í samtali við Morgunblaðið.

mbl.is
Fleira áhugavert

Stjörnuspá »

Hrútur

Sign icon Þú ert í varnarstöðu og það er skiljanlegt. Hlustaðu á það sem aðrir hafa fram að færa og mundu að það vilja allir vera til staðar fyrir þig.
síðasta vika Vinsælustu hljóðbækurnar
1
Hugrún Björnsdóttir
2
Anna Margrét Sigurðardóttir
3
Torill Thorup
5
Torill Thorup
Fleira áhugavert

Stjörnuspá »

Hrútur

Sign icon Þú ert í varnarstöðu og það er skiljanlegt. Hlustaðu á það sem aðrir hafa fram að færa og mundu að það vilja allir vera til staðar fyrir þig.
síðasta vika Vinsælustu hljóðbækurnar
1
Hugrún Björnsdóttir
2
Anna Margrét Sigurðardóttir
3
Torill Thorup
5
Torill Thorup