Raunveruleikastjarna segir Lopez athyglissjúka
Setja bókamerki
Tengdar fréttir
Poppkúltúr
Raunveruleikastjarnan Whitney Port kallaði leik- og söngkonuna Jennifer Lopez athyglissjúka í nýjasta þætti hlaðvarpsins Whit Whit, sem hún heldur úti ásamt eiginmanni sínum, Tim Rosenman, á dögunum.
Port, sem gerði garðinn frægan í MTV-raunveruleikaseríunni The Hills, sagðist hafa séð Lopez, uppstrílaða og glæsilega, stilla sér upp fyrir myndatöku þegar hún var stödd í Hamptons í New York síðla í júlí.
Að sögn Port áttu myndirnar að líta út fyrir að vera teknar af götuljósmyndara (e. paparazzi) á handahófskenndum augnablikum yfir daginn en svo var ekki. Allt í kringum tökuna var afar vel undirbúið og fylgdi ljósmyndarinn Lopez vítt og breitt um bæinn.
Ein mynd sýnir Lopez á hjóli á leið sinni í vinsælustu ísbúð bæjarins, Candy Kitchen, sem hún heimsótti þó ekki. Hún vildi einungis festa hefðbundnar athafnir hversdagsins á filmu samkvæmt hjónunum sem voru sammála um að hún ætti draga sig út úr sviðsljósinu í einhvern tíma.
„Hún er sjúk í athygli og verður að láta mikið fyrir sér fara. Þetta er hálf sorglegt,“ sagði Rosenman meðal annars.
Lopez, sem hefur ekki átt sjö dagana sæla, var stödd í bænum vegna 55 ára afmælis síns. Hún fagnaði með glæsilegri þriggja daga veislu sem endaði með heljarinnar dansiballi í anda Bridgerton-þáttanna.
Tengdar fréttir
Poppkúltúr
Heilsuspillandi efni langt yfir mörkum
Íslendingar tortímdu ekki geirfuglinum
Guðmundur bað um að brottvísun Yazans yrði stöðvuð
Feðginin áttu í eðlilegum samskiptum
Í ákveðinni kúlu sem útlendingur
Einn handtekinn og lagt hald á byssu
Myndskeið: Hávær mótmæli óma um Leifsstöð
Guðrún: Ákvörðun um brottvísun Yazans stendur