Sprautaði Perry með banvænum skammti
Setja bókamerki
Kenneth Iwasama, fyrrverandi aðstoðarmaður leikarans Matthew Perry, viðurkenndi nýverið að hafa komið að leikaranum meðvitundarlausum, þó nokkrum sinnum, dagana áður en hann lést.
Iwasama er á meðal þeirra fimm sem voru handteknir og ákærðir í tengslum við andlát leikarans á dögunum.
Iwasama, 59 ára, hafði starfað sem aðstoðarmaður leikarans í hartnær 25 ár og haft yfirumsjón með vistarverum hans og daglegum störfum.
Við yfirheyrslu viðurkenndi hann að hafa sprautað leikarann með banvænum skammti af ketamíni daginn sem hann dó, að beiðni Perry. Iwasama sprautaði leikarann þrisvar sinnum yfir daginn og eftir hafa gefið honum síðasta skammtinn þá yfirgaf hann heimili leikarans til að sinna nokkrum erindum. Hann kom að Perry látnum örfáum klukkustundum síðar.
Iwasama játaði sig sekan um dreifingu eiturlyfja.
Perry, sem hafði um árabil glímt við fíknisjúkdóma, fannst látinn í heitum potti á heimili sínu í október, 54 ára að aldri.
Dánarorsökin var ketamínneysla, drukknun og kransæðastífla, en ketamínmagnið í blóði Perrys var álíka og notað er við svæfingar.
Ósátt við orðræðuna: „Gelta þegar þeim er sigað“
Segir óljóst hvort að samþjöppun muni aukast
Ráðherra vill að vindmyllur rísi í Garpsdal
Óvænt bakslag á Barónsstíg: Leyfið afturkallað
Fíkniefnaframleiðslan „keðja um allt land“
Áhrifamat sé nauðsynlegt
Æðibunugangur hjá ráðherra