Frestar tónleikum vegna heilsu sinnar

Tónlistarmaðurinn Donald Glover, einnig þekktur sem Childish Gambino, hefur frestað fyrirhuguðum tónleikum sem hann átti eftir á túr sínum um Norður-Ameríku vegna líkamlegrar heilsu sinnar.

Þetta tilkynnti tónlistarmaðurinn fyrr í kvöld með færslu á X.

Þakkar fyrir stuðning og ást

Segir tónlistarmaðurinn að allir miðahafar ættu að halda í miðana sína sem verði nothæfir þegar aðrar dagsetningar fyrir það sem eftir er af túrnum verða kynntar.

Þá þakkar hann aðdáendum sínum fyrir að virða friðhelgi sína sem og fyrir þann stuðning og ást sem honum hefur borist.

• Blogga um frétt