Þrír íslenskir rithöfundar tilnefndir

Arnaldur Indriðason, Yrsa Sigurðardóttir og Lilja Sigurðardóttir eru í hópi tíu rithöfunda á Norðurlöndunum sem tilnefnd eru til Petrona-verðlaunanna í Bretlandi sem veitt eru fyrir bestu norrænu glæpasöguna.

Arnaldur fyrir bókina Stúlkan hjá brúnni, Yrsa fyrir bókina Bráðin og Lilja fyrir bókina Náhvít jörð. 

Þess ber að geta að Yrsa hefur áður hlotið þessi verðlaun árið 2015 fyrir Brakið. Þá hefur hún einnig verið tilnefnd fyrir bækurnar Horfðu á mig árið 2014, Lygi 2017 og Aflausn 2020. 

Bæði Arnaldur og Lilja hafa áður verið á stuttlista Petrona. Arnaldur fyrir Svörtuloft 2013, Furðustrandir 2014 og Reykjavíkurnætur 2015. Lilja fyrir Blóðrauður sjór árið 2023 og Helköld sól 2022.

Aðrir rithöfundar sem tilnefndir eru: Tove Alsterdal fyrir bókina You will never be found, Anne Mette Hancock fyrir bókina The collector, Jørn Lier Horst fyrir bókina Snow fall, Jørn Lier Horst og Thomas Enger fyrir bókina Stigma, Jógvan Isaksen fyrir bókina Dead men dancing og Karin Smirnoff fyrir bókina The girl in the eagle's talons.

• Blogga um frétt