Kris Kristofferson er látinn

Bandaríski tónlistarmaðurinn og leikarinn Kris Kristofferson, sem sló í gegn á hvíta tjaldinu í kvikmyndinni A Star is Born, er látinn, 88 ára að aldri.

Fjölskylda hans tilkynnti þetta í gær. Ekki var gefin upp dánarorsökin í tilkynningu fjölskyldunnar.

Kris Kristofferson árið 2013. AFP/Frederic J. Brown

Kristofferson var heiðursmeðlimur í Frægðarhöll sveitasöngvara auk þess sem hann hlaut Grammy-verðlaunin. Hann var þekktur fyrir smelli á borð við Sunday Mornin Comin Down og Me and Bobby McGee.

Willie Nelson (til vinstri) og Kris Kristofferson á Grammy-verðlaunahátíðinni árið 2014. AFP/Frederic J. Brown

Kristofferson spilaði sem sólótónlistarmaður í áratugi. Einnig stofnaði hann ofurgrúppuna The Highwaymen á miðjum níunda áratugnum með Johnny Cash, Waylon Jennings og Willie Nelson.

Kristofferson spilaði í Eldborg í Hörpu árið 2016 við góðar undirtektir. Einnig spilaði hann í fullri Laugardalshöll í júní árið 2004. Áður hafði kappinn haldið tvenna tónleika á Hótel Íslandi árið 1992.

Frétt af mbl.is

Kvaddi Kristofferson með tárum

• 1 blogg um fréttina

Bloggað um fréttina

• Ingólfur Sigurðsson: Fólk skvaldraði og masaði á tónleikum með Kris Kristofferson, það …