Chris Martin, forsprakki bresku hljómsveitarinnar Coldplay, datt ofan í holu á sviðinu á tónleikum sveitarinnar í Ástralíu á sunnudag. 

Myndskeið af atvikinu hefur farið sem eldur um sinu í netheimum, en í því sést Martin ganga um sviðið og ræða við tónleikagesti áður en hann dettur aftur á bak. 

Til allrar lukku meiddist tónlistarmaðurinn ekki við fallið þar sem starfsmenn náðu að grípa hann í tæka tíð. Martin var því eldsnöggur á fætur og gantaðist létt með óhappið. 

„Sko, þetta var ekki fyrir fram ákveðið,“ sagði Martin áður en hann þakkaði starfsmönnum fyrir snögg handbrögð.

Tengdar fréttir

Poppkúltúr

Frumsýndu nýtt tónlistarmyndband á Spotify

• Beyoncé sú besta á þessari öld
• Hætt við að skilja
• Þetta bónorð verður seint toppað
• Bjarki Lárusson á lista Forbes

» Fleiri tengdar fréttir

• Blogga um frétt