Birnir sendir frá sér nýtt lag
Setja bókamerki
Tónlistarmaðurinn Birnir Sigurðarson gaf í dag út lagið Win win, sem er fyrsta lagið á væntanlegri plötu tónlistarmannsins.
Lagið er unnið í samstarfi við tónlistarframleiðandann Martein Hjartarson og markar upphafið á nýjum hljóðheimi sem þeir hafa smíðað saman fyrir plötuna.
Birnir, einn vinsælasti tónlistarmaður sinnar kynslóðar, hefur unnið hörðum höndum að gerð plötunnar síðustu þrjú árin og tilkynnti um útkomu lagsins á Instagram nú á dögunum.
„Win win kemur út föstudaginn 8. nóv. Fyrsta lag af plötu sem ég hef verið að vinna að síðastliðin 3 ár,” skrifaði hann við mynd af leirstyttu.
Birnir hefur haft í nógu að snúast síðustu mánuði, en hann gaf meðal annars út samstarfsplötu með Bríeti Ísis Elfar í sumar sem vakti mikla athygli fyrir framúrstefnulega popptónlist.
Lagið Win win er nú aðgengilegt á öllum helstu streymisveitum.
Bankinn safnar blóði fyrir jólin
Hættan á meira smiti enn fyrir hendi
Búnar að ræða flest mál
Eyða milljörðum í megrunarlyf
Rafmagnsverð hækkaði um 13%
Samningi sagt upp og skóli rifinn
