Noemi Oberhauser, 24 ára gömul Lundúnamær, hefur vakið mikla athygli hjá karlpeningnum, sérstaklega fótboltaþyrstum, í kjölfar þess að hún byrjaði að deila myndskeiðum af einstöku útsýni íbúðar sinnar, sem er nokkuð ólíkt öðrum, á samfélagsmiðlum.

Stofugluggi konunnar horfir yfir heimavöll knattspyrnufélagsins Brentford og er hún því með eðalsæti á alla heimaleiki liðsins í ensku úrvalsdeildinni.

Útsýnið heillar ófáa karlmenn

Íbúðin er staðsett beint fyrir ofan Gtech Community Stadium sem gerir Oberhauser kleift að fylgjast með framvindu fótboltaleikja úr sófanum, án þess að kveikja á sjónvarpinu.

Aðeins tilhugsunin heillar án efa ófáa karlmenn, en allt frá því hún byrjaði að deila myndum og myndskeiðum frá heimili sínu þá hefur henni borist fjöldinn allur af boðum á stefnumót og meira að segja bónorð frá karlmönnum víðs vegar um heiminn.

Datt í lukkupottinn

Það mætti víst með sanni segja að Oberhauser hafi dottið í lukkupottinn þegar þessi íbúð var auglýst til leigu, enda er hún gallharður stuðningsmaður enska knattspyrnuliðsins til fjölda ára.

Oberhauser greiðir 1.200 sterlingspund í leigu á mánuði, sem jafngildir um 215.000 íslenskum krónum, sem er að vísu töluvert dýrara en ársmiði á völlinn, en fyrir flesta fótboltaunnendur er útsýni Oberhauser ómetanlegt.

Tengdar fréttir

Instagram

Guðmundur Ingi í mynd með Sir Anthony Hopkins

• Klappstýra vakti athygli á vellinum
• Fetar í fótspor foreldra sinna
• Áhrifavaldur lést vegna hnetuofnæmis
• Þorvaldur Davíð og Hrafntinna geisluðu á dreglinum

» Fleiri tengdar fréttir

• Blogga um frétt