„Hver þarf óvini þegar hann á svona vini.“ Svona byrjar Instagram-færsla eins ástsælasta söngvara Íslendinga, Valdimars Guðmundssonar. 

Það má segja að hann hafi slegið í gegn – í anda – með Júníusi Meyvant og hljómsveitinni Kaleo á Wembley OVO Arena í London. 

Í téðri Instagram-færslu sem Valdimar setti inn í dag segir hann söguna sem byrjar þannig að Júníus Meyvant verður sérstakur gestur á jólatónleikum Valdimars í Eldborgarsal Hörpu 21. nóvember. Myndataka sem átti að fara fram fyrir tónleikana, með þeim félögum Valdimari og Júníusi, fór forgörðum, því sá síðarnefndi var farinn í tónleikaferð með Kaleo til London.

Eitthvað skammaðist Valdimar yfir því og til sárabóta var útbúið pappaspjald í London með áprentaðri mynd í raunstærð af Valdimari og spjaldið látið standa á sviðinu á tónleikunum á Wembley, með skilaboðunum að þetta væru stærstu tónleikar Valdimars til þessa.

Valdimar Guðmundsson söngvari var með hljómsveitinni Kaleo og Júníusi Meyvant á sviði í London. Ljósmynd/maxmilliganphotos

Þeir halda saman á sviðið. Ljósmynd/maxmilliganphotos

Leikið fyrir 12.000 manns á sviðinu í London. Ljósmynd/maxmilliganphotos

Þarna sést glitta í eftirmynd Valdimars. Ljósmynd/maxmilliganphotos

Það er spurning hvort áhorfendur hefðu ekki bara orðið enn ánægðari að hafa Valdimar sjálfan á sviðinu. Ljósmynd/maxmilliganphotos

Góðum tónleikum fagnað með góðri lyftu. Ljósmynd/maxmilliganphotos

Tengdar fréttir

Hverjir voru hvar

Stjörnufans á Ungfrú Ísland

• Berglind Festival mætti í loðfeldi á sýningu sem er bönnuð börnum
• Stjörnufans á Hagsmunum Bergs Ebba
• „Það er ótrúlega verðmætt tækifæri“
• Allt á útopnu hjá Gísla Frey og félögum

» Fleiri tengdar fréttir

• Blogga um frétt