Íslenski leikarinn Þorvaldur Davíð Kristjánsson mætti ásamt eiginkonu sinni, lögfræðingnum Hrafntinnu Karlsdóttur, á Evrópsku kvikmyndaverðlaunin í svissnesku borginni Lucerne á laugardagskvöldið.

Hjónin voru afar glæsileg og vöktu að vonum mikla athygli viðstaddra er þau stilltu sér upp fyrir ljósmyndara á rauða dreglinum, sem var að vísu blár á litinn.

Þorvaldur Davíð, sem hefur átt mikilli velgengni að fagna á síðustu árum, deildi myndunum af þeim hjónum á Instagram-síðu sinni fyrr í dag.

„Ég er í skýjunum eftir ótrúlega daga á Evrópsku kvikmyndaverðlaununum í Lucerne. Það var mikill heiður að fá að taka þátt í því að heiðra kvikmyndagerð,” skrifaði leikarinn við myndaseríuna.

Þorvaldur Davíð og Hrafntinna voru í góðum félagsskap, en á meðal þeirra sem gengu bláa dregilinn á laugardagskvöldið voru alþjóðlegu kvikmyndastjörnurnar Ralph Fiennes og Isabella Rossellini.

Tengdar fréttir

Instagram

Embla Wigum skein skært á rauða dreglinum

• Hilton safnaði yfir 100 milljónum
• Jón opnaði sig upp á gátt í nýrri færslu
• Sonur Gretu Salóme kominn með nafn
• Barnasprengja innan slökkviliðs vekur athygli

» Fleiri tengdar fréttir

• Blogga um frétt