Palm Beach titrar af spenningi af að fá Elon Musk
Setja bókamerki
Auðjöfurinn og eigandi Teslu og samskiptamiðilsins X, Elon Musk, hefur varið miklum tíma í Mar-a-Lago í Flórída síðan Donald Trump var endurkjörinn.
Musk er sagður hafa augastað á lúxusíbúð Sydell Miller, fyrrum eiganda vörumerkjanna Ardell og Matrix Essentials, en hún lést fyrr á árinu. Miller er sögð hafa greitt 42,6 milljónir dala fyrir íbúðina sem hún festi kaup á árið 2019. Kaupin á þeim tíma slóu met yfir dýrustu íbúðir borgarinnar.
Sagt er að fjölskylda Miller íhugi nú að selja Musk þessa 19.000 fermetra þakíbúð, sem samanstendur af tveimur íbúðum. Gangi samningurinn í gegn fer hann að öllum líkindum yfir 100 milljónir dala og mun þar með slá öll met í West Palm Beach.
Íbúðin er í Bristol-byggingunni sem er afar vinsæl meðal milljarðamæringa, Wall Street-auðjöfra og fasteignamógúla. Þar er m.a. að finna heilsulind fyrir íbúa byggingarinnar.
Stór gagnaleki og Íslendingar fá beiðni frá Tinder
Vill að flokksþingi verði flýtt
„Maður er að anda að sér eignum fólks“
Enginn fundur á dagskrá og stefnir í verkföll
Kölluðu til lögreglu á mótmæli Eflingar í Kringlu
Vara við hættulegum vindum í Los Angeles
Fann fjölda dauðra gæsa: „Mjög óhugnanlegt“