Van Dyke og Cher neyddust til að yfirgefa heimili sín

Hollywood-stjörnurnar Cher og Dick Van Dyke eru á meðal þeirra fjölmörgu íbúa sem hafa þurft að yfirgefa híbýli sín í Malibu í Kaliforníu vegna skógarelda sem þar geisa.

Eldurinn braust út í fyrrakvöld og á fáeinum klukkustundum hafði hann breiðst yfir 730 hektara, samkvæmt CAL FIRE, sem sér um varnir gegn skógareldum í Kaliforníu.

Van Dyke, sem er best þekktur fyrir leik sinn í söngvamyndinni Mary Poppins frá árinu 1964, greindi frá því á Facebook-síðu sinni í gærdag að hann væri kominn í öruggt skjól ásamt eiginkonu sinni, Arlene Silver, og flestum gæludýrum þeirra. Köttur hjónanna, BoBo, hljóp í burtu rétt áður en þau yfirgáfu heimili sitt og hefur ekki fundist.

Að sögn kynningarfulltrúa Cher hvílist hún á hóteli ásamt gæludýrum sínum.

Frétt af mbl.is

Eldar geisa í Malibu

Marg­ar Hollywood-stjörn­ur og stjórn­end­ur í kvik­myndaiðnaðinum eiga hús­næði við strand­lengj­una, en svæðið er eitt það eft­ir­sókn­ar­verðasta í Suður-Kali­forn­íu.

 Page Six

• Blogga um frétt