Armani Latimer, klappstýra fyrir ameríska fótboltaliðið Dallas Cowboys, vakti mikla athygli nú á dögunum þegar hún sýndi umheiminum að hún er með sjálfsofnæmissjúkdóminn blettaskalla (e. Alopecia).

Latimer, sem er búin að missa allt hár af höfði, hefur aldrei dansað á vellinum án hárkollu en ákvað að stíga út fyrir þægindarammann og sýna hennar raunverulega sjálf á mánudagskvöldið.

Myndband af Latimer, skælbrosandi og dansandi, fór eins og eldur í sinu um netheima og ekki leið á löngu þar til myndbandið greip athygli bandaríska morgunþáttarins Good Morning America og annarra þarlendra miðla.

Fjölmargir hafa ritað athugasemdir við Instagram-færslu Good Morning America og hrósað klappstýrunni fyrir hugrekkið sem hún sýndi á vellinum.

Blettaskalli er sjálfsónæmissjúkdómur sem hefur áhrif á hársekkina og veldur því að hárið fellur af. Algengasta mynd sjúkdómsins eru vel afmarkaðir skallablettir í hársverðinum en blettaskalli getur þó birst á öllum hærðum svæðum líkamans. Sjúkdómurinn er algengastur hjá einstaklingum milli tvítugs og fertugs.

Latimer greindist þó með blettaskalla aðeins tólf ára gömul.

Tengdar fréttir

Instagram

Minntist eiginmannsins í fallegri færslu

• Embla Wigum skein skært á rauða dreglinum
• Kærasti Örnu fluttur til landsins
• Hilton safnaði yfir 100 milljónum
• Jón opnaði sig upp á gátt í nýrri færslu

» Fleiri tengdar fréttir

• Blogga um frétt