Starfsmaður Buckingham-hallar var handtekinn eftir að slagsmál brutust út í jólahittingi starfsfólks sem haldinn var á krá í nágrenni við höllina á þriðjudagskvöldið.

Hópurinn, sem taldi hátt í 50 manns, fékk sér fordrykk í höllinni áður en hann fór á kránna sem er í níu mínútna göngufjarlægð frá Buckingham-höll.

Nokkrir í hópnum eru sagðir hafa misst stjórn á sér þegar þangað var komið og látið öllum illum látum, en aðeins einn var handtekinn.

Kona, sem er sögð starfa við húshjálp í höllinni, var fjarlægð af lögreglu eftir að hafa ítrekað reynt að kýla starfsmann krárinnar og unnið skemmdarverk.

Heimildarmaður breska fréttablaðsins The Sun sagði konuna hafa verið ofurölvi, hent glösum í gólfið, verið með hnefann á lofti og ógnað gestum staðarins. 

Talsmaður Buckingham-hallar vildi ekki tjá sig um atvikið en sagði málið í skoðun, að því er seg­ir í um­fjöll­un The Sun.

Tengdar fréttir

Kóngafólk

Forréttindi að þurfa ekki að kveðja móður sína

• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi
• Fer fögrum orðum um eiginkonuna

» Fleiri tengdar fréttir

• Blogga um frétt