Óskarsverðlaunaleikkonan Jamie Lee Curtis endurgerði frægt dansatriði úr kvikmyndinni Perfect frá árinu 1985 ásamt spjallþáttastjórnandanum Jimmy Fallon nú á dögunum.

Curtis, sem fór með annað aðalhlutverkanna í kvikmyndinni, skellti sér í spandexgallann og rifjaði upp eróbik-taktana fyrir gríninnslag sem sýnt var í spjallþætti Fallon, sem sjálfur hermdi eftir töktum stórleikarans John Travolta, en sá lék á móti Curtis í Perfect.

Leikkonan, sem er 66 ára og í þrusuformi, var gestur í þætti Fallon í gærkvöldi og ræddi meðal annars um nýjustu kvikmynd sína, The Last Showgirl.

Fallon, þekktur fyrir eftirhermur sínar af ýmsum þekktum mönnum, deildi myndskeiðinu á Instagram-síðu sinni í gærdag og vakti það mikla lukku hjá netverjum. Þegar þetta er skrifað hafa tæp­lega 700 þúsund manns líkað við færsl­una og fjöldi fólks, þar á meðal leikkonan Lindsay Lohan, hefur ritað athugasemdir við færsluna. 

Tengdar fréttir

Poppkúltúr

Fylgjendur Katie Price með áhyggjur

• Gaf fötin sín í þágu góðgerðarmála
• Kona lagði út 121 milljón króna fyrir svindlara sem sagðist vera Brad Pitt
• Gekk rauða dregilinn eftir langt hlé
• Bresk raunveruleikastjarna látin

» Fleiri tengdar fréttir

Instagram

Minntist eiginmannsins í fallegri færslu

• Embla Wigum skein skært á rauða dreglinum
• Kærasti Örnu fluttur til landsins
• Hilton safnaði yfir 100 milljónum
• Jón opnaði sig upp á gátt í nýrri færslu

» Fleiri tengdar fréttir

• Blogga um frétt