Light My Fire-húsið brann til kaldra kola

Hljómsveitin The Doors lagði upp laupana árið 1973.
Hljómsveitin The Doors lagði upp laupana árið 1973. Skjáskot/Facebook

Húsið þar sem gítarleikari rokksveitarinnar The Doors, Robby Krieger, samdi eitt vinsælasta og þekktasta lag sveitarinnar, Light My Fire, brann til kaldra kola nú fyrir helgi sökum gróðurelda sem geisa í úthverfi Los Angeles-borgar í Kaliforníu.

Húsið, sem stóð við Alma Real Drive í Pacific Palisades-hverfinu og hafði verið í eigu hjónanna Claudio og Kathleen Boltiansky síðastliðin 24 ár, var eitt sinn í eigu foreldra Krieger, sem samdi lagið í stofu hússins árið 1966.

Boltiansky-hjónin ræddu stuttlega við blaðamann Los Angeles Times og sögðu atburðinn og áfallið ólýsanlegt. Hjónin hyggjast endurbyggja heimili sitt við fyrsta tækifæri.

Light My Fire, lag sem fjallar um ást og kynlíf, er talið eitt af bestu rokklögum tónlistarsögunnar. Lagið kom The Doors á kortið á sjöunda áratugnum og fór beint í toppsæti Billboard-listans og sat í þrjár vikur á toppnum.

Fjöl­marg­ar stjörn­ur eru bú­sett­ar í Pacific Palisa­des-hverfinu og hafa marg­ar þeirra þurft að yf­ir­gefa heim­ili sín á meðan aðrar hafa misst heim­ili sín í elds­voðanum.

Á meðal þeirra sem misst hafa heim­ili sín eru Ant­hony Hopk­ins, Jeff Bridges, John Goodm­an, Cary Elwes, Eu­gene Levy, John C. Reilly, Tina Know­les, Can­dy Spell­ing, Jenni­fer Grey, Anna Far­is, Miles Tell­er, James Woods, Billy Crystal, Par­is Hilt­on og Milo Ventimiglia.

mbl.is
Fleira áhugavert

Stjörnuspá »

Hrútur

Sign icon Þú þarft ekki að taka heiðurinn af því sem þú gerir svo vel, en það væri frábært ef þú gerðir það. Láttu það bara eftir þér.
síðasta vika Vinsælustu hljóðbækurnar
1
Torill Thorup
2
Anna Sundbeck Klav
4
Colleen Hoover
5
Birgitta H. Halldórsdóttir
Fleira áhugavert

Stjörnuspá »

Hrútur

Sign icon Þú þarft ekki að taka heiðurinn af því sem þú gerir svo vel, en það væri frábært ef þú gerðir það. Láttu það bara eftir þér.
síðasta vika Vinsælustu hljóðbækurnar
1
Torill Thorup
2
Anna Sundbeck Klav
4
Colleen Hoover
5
Birgitta H. Halldórsdóttir