„Ég gæti verið undrandi“

Arnold Schwarzenegger ataðist aðeins í syni sínum, leikaranum Patrick Schwarzenegger, á forsýningu þriðju þáttaraðar White Lotus. Stríðni föðurins snýr að nektarsenu sonarins í þáttunum. 

„Hvílík sýning,“ skrifaði Arnold í færslu á Instagram við mynd af syni sínum. „Ég gæti verið undrandi á að hann skyldi vera í nektarsenu, en hvað get ég sagt – sjaldan fellur eplið langt frá eikinni.“

Þá hvatti Arnold fylgjendur sína til að fylgjast með þættinum komandi sunnudagskvöld.

Leikarinn og stórmennið Arnold, sem er fyrrverandi ríkisstjóri Kaliforníu, sat nakinn fyrir á myndum árið 1970, sem voru birtar í Spy Magazine í mars 1992. Þrátt fyrir viðbrögð almennings stóð kappinn við að láta taka nektarmynd af sér í viðtali við Opruh Winfrey, síðar sama ár.

Þá var Arnold einnig klæðalítill í senum Terminator (1984) og Terminator 2: Judgement Day (1991).

Patrick svaraði Instagram-færslu föður síns á samfélagsmiðlinum X með orðinu „foreldrar“ og tveimur köllum (emojis) sem fela andlitið í höndum sér. 

Page Six

• Blogga um frétt