Æxli fundust í heila sjónvarpsstjörnu

Fyrrverandi stjarna The Real Housewives of Beverly Hills, Teddi Mellencamp, greindi frá því að hún hefði verið lögð inn á sjúkrahús eftir að hafa þjáðst af miklum höfuðverkjum undanfarna mánuði. Í færslu sem hún deildi á Instagram sagði hún frá því að læknar hefðu fundið mörg æxli á heila hennar.

Samkvæmt læknum hafa æxlin líklega verið að vaxa í að minnsta kosti sex mánuði. Þann 12. febrúar 2025 gekkst hún undir skurðaðgerð til að fjarlægja nokkur þeirra, en fyrirhuguð er geislameðferð til að meðhöndla þau sem eftir eru.

Mellencamp lýsti miklu þakklæti fyrir þann stuðning sem hún hefur fengið frá fjölskyldu, vinum og læknateyminu. Hún segist vera bjartsýn á bataferlið þrátt fyrir áfallið.

„Mitt besta útlit“ 

Í Instagram story Mellencamp sýnir hún fylgjendum sínum myndskeið af sér rétt fyrir aðgerðina, með orðunum „Mitt besta útlit“ meðan krúnurakað var hárið hennar. Áfram verður fylgst með þróun málsins, þar sem Mellencamp ætlar að halda áfram að upplýsa fylgjendum sínum stöðu málsins.

Hér má sjá færsluna sem hún deildi á Instagram.

• Blogga um frétt