Grimes er gröm út í Elon Musk
Setja bókamerki
Claire Boucher, eða Grimes, fyrrverandi kærasta og barnsmóðir Elons Musks, er ekki alls kostar sátt við veru hans í Hvíta húsinu með syni þeirra fyrir tveimur dögum.
Elon Musk, ríkasti maður heims og eigandi X, Space X og Tesla, er sérstakur „ríkisstarfsmaður“ Donalds Trumps og góður vinur. Hann mætti á skrifstofu Trumps í Hvíta húsinu, ásamt syni þeirra Grimes sem heitir X Æ A-Xii, eða X, og er fjögurra ára.
„Hann ætti ekki að vera svona opinberlega,“ skrifaði Grimes á X um það þegar myndir birtust af syni hennar í Hvíta húsinu. Skrif Grimes voru svar við því þegar annar notandi samfélagsmiðilsins hrósaði foreldrum drengsins fyrir hve kurteis hann væri.
E News hefur reynt að fá viðbrögð frá Musk vegna þessa en hann hefur ekki svarað.
Forræðisdeila Grimes og Musks
Grimes og Musk hættu saman árið 2022 eftir fjögurra ára samband en hafa átt í forræðisdeilu síðan í október 2023 yfir X og yngri börnum þeirra tveimur, Exa Dark Sideræl, þriggja ára, og Techno Mechnicus, tveggja ára.
Elon Musk mætti með drenginn á blaðamannafund á skrifstofu Trumps í Hvíta húsinu á þriðjudag og byrjaði Trump erindi sitt á að kynna son Musks og segja hann vera með háa greindarvísitölu.
Meðan á blaðamannafundinum stóð nálgaðist drengurinn Trump annað veifið, talaði við sjálfan sig, hvíslaði einhverju að forsetanum og boraði í nefið – eins og börn gera. Þá sat hann einnig á öxlum föður síns og potaði inn í eyrun á honum á meðan faðir hans ávarpaði blaðamenn.
Svört skýrsla: Brotið gegn réttindum barna
Solaris-kæran aftur á borð lögreglunnar
Segir sjúkraflug á Húsavík í uppnámi
Betri yfirsýn með hverjum klukkutíma sem líður
Mæli óhikað með þessari meðferð
Gagnaleki nær til korta á Íslandi
Framteljendur skili sem fyrst