Émilie Dequenne látin

Belgíska verðlaunaleikkonan Émilie Dequenne er látin, 43 ára að aldri.

Banamein hennar var krabbamein.

Duquenne var meðal annars þekkt fyrir hlutverk sín í kvikmyndunum Rosetta, Brotherhood of the Wolf, Our Children, Love Affair(s) og The Girl on the Train.

Í yfirlýsingu frá umboðsmanni hennar segir að hún hafi látist á sjúkrahúsi í París í gærkvöldi.

Duquenne ræddi opinskátt um baráttu sína við krabbamein og birti reglulega færslur á Instagram-síðu sinni.

Leikkonan lætur eftir sig eiginmann og dóttur.

• Blogga um frétt