Söngleikur um meintan morðinga á fjalirnar
Setja bókamerki
Luigi the Musical, nýr bandarískur söngleikur, verður frumsýndur þann 13. júní næstkomandi í Taylor Street-leikhúsinu í San Francisco.
Það þykir eflaust ekki fréttnæmt nema fyrir þær sakir að söngleikurinn fjallar um hinn 26 ára gamla Luigi Mangione, en sá er grunaður um að hafa orðið framkvæmdastjóra heilbrigðistryggingafyrirtækis að bana í New York í byrjun desember í fyrra.
/frimg/1/53/56/1535682.jpg)
Söngleikurinn, sem er kómedía, fjallar meðal annars um skyndifrægð Mangione og líf hans á bak við lás og slá.
Fangelsisfélagar hins meinta morðingja, Sam Bankman-Fried, rafmyntukóngurinn svokallaði, og tónlistarmaðurinn Sean Combs, eða P. Diddy, munu einnig koma við sögu.
Sýningin mun standa yfir til 28. júní.
Uppselt er á allar sýningar.
Handtekinn á McDonalds
Mangione var handtekinn á skyndibitastaðnum McDonald's í Pennsylvaníu eftir fimm daga leit, með byssu sem passaði við þá sem notuð var í skotárásinni og fölsuð skilríki, að sögn lögreglu.
Hann á yfir höfði sér 11 kærur í New York, þar á meðal morð af fyrstu gráðu og morð sem hryðjuverkaglæp.
Verði hann fundinn sekur um öll atriðin á hann yfir höfði sér lífstíðarfangelsisdóm án möguleika á reynslulausn.
Gæslan fær 60 milljónir í björgunarlaun
Fór með von der Leyen í Þórsmörk og Grindavík
Segir eldgosið „furðulega líkt“ fyrri eldgosum
Sprungan lengist enn til norðurs
Logandi gígum fækkar
Nýjar myndir: Hraun rennur til austurs
Lokuðu veginum að Bláa lóninu í mótmælaskyni