Kanye West stormaði burt úr viðtali við Piers Morgan
Setja bókamerki
Tengdar fréttir
Poppkúltúr
Breski spjallþáttastjórnandinn Piers Morgan gagnrýndi rapparann Kanye West fyrir að storma burt úr miðju viðtali við hann í þættinum Piers Morgan Uncensored.
„Tók viðtal við Kanye West aftur í dag. Eins og ég bjóst við, miðað við það sem ég sagði um hann nýverið, þá entist það hvorki lengi né fór vel,“ skrifaði Morgan við mynd af rapparanum sem hann setti á Instagram.
„Þetta er hann rétt áður en hann þrammaði af stað, eins og stórt barn, áður en ég gat spurt hann hvers vegna hann væri orðinn andstyggilegur Hitler-elskandi, nasista-sleginn gyðingahatari.“
West var staddur á Majorka á Spáni þegar viðtalið var tekið og var þar í mynd ásamt félaga sínum sem kallaður er Sneako. Það fór ekki vel af stað þegar Morgan vakti athygli á bakslagi West og umdeildri ímynd hans.
Þegar þáttastjórnandinn sagði svo að West væri með 32 milljónir fylgjenda á miðlinum X fór það heldur betur öfugt ofan í rapparann, sem sagði Morgan vera að draga úr fylgjendafjöldanum.
Það hafði áður kastast í kekki þeirra á milli í öðru viðtali þegar rapparinn neitaði að biðjast afsökunar á gyðingahatursummælum sínum. Þrátt fyrir það ákvað Morgan að bjóða honum í annað viðtal sem fór ekki betur en þetta.
Tengdar fréttir
Poppkúltúr
Árásir halda áfram: Hershöfðingjar drepnir
Alvarlegt atvik á Reykjavik Edition-hótelinu
Engin merki um þinglok í nánd
Mótmæla blokkinni á Birkimel
Tveir erlendir ferðamenn fundust látnir
Svona er nú komið fyrir borgarbarninu
Baðlón við Holtsós í skipulagsferli
Einfalda reglur fyrir veitingahús