62% laganna ekki sungin á ensku
Setja bókamerki
VÆB-bræðurnir Hálfdán Helgi og Matthías Davíð Matthíassynir eru fyrstir á svið í Basel í kvöld í fyrri undankeppni Eurovision sem hefst kl. 19 og sýnd er í beinni útsendingu á RÚV. Flytja þeir þar lag sitt „RÓA“ á íslensku. Seinni undankeppnin fer fram 15. maí og úrlistin ráðast 17. maí.
Í frétt á vef Sænska ríkisútvarpsins (SVT) kemur fram að alls verði 23 af þeim 37 lögum sem flutt eru í keppninni í ár sungin á öðru tungumáli en ensku, sem samsvarar um 62%. Til samanburðar voru aðeins 49% laganna sem flutt voru í keppninni í fyrra sungin á öðru tungumáli en ensku.
„Hlutfallið hefur ekki verið hærra síðan 1999 [þegar reglum keppninnar var breytt á þá leið að ekki var lengur gerð krafa um að syngja á móðurmáli flytjenda],“ segir John Pilkington og fagnar því að fleiri tungumál en enskan heyrist í keppninni, enda sé fjölbreytnin af hinu góða. Enskan er þó enn fyrirferðarmikil í ár því alls eru 20 lög flutt að hluta eða í heild á ensku.
Þrír íslenskir ríkisborgarar látið vita af sér
„Eðlilegt að utanríkisráðherra eigi samtal við þingið“
Nokkrir sagðir hafa veist að einum
Baðlón við Holtsós í skipulagsferli
Svona er nú komið fyrir borgarbarninu
Ferðamennirnir voru Frakkar í ferðalagi saman
„Allavega eitthvað samtal komið af stað“
Fríhöfnin eins og „sovésk verslun“