Bræðurnir gætu átt rétt á reynslulausn

Bræðurnir Eric og Lyle Menendez gætu nú átt rétt á reynslulaun. Endurupptökudómstóll í Los Angeles mildaði nú rétt í þessu dóm þeirra bræðra. 

BBC greinir frá.

Bræðurnir hafa setið af sér lífstíðardóm, án möguleika á reynslulausn, síðastliðin 35 ár fyrir að hafa orðið foreldrum sínum að bana á heimili þeirra í Beverly Hills árið 1989.

Voru þeir á sínum tíma taldir hafa framið morðin til þess að komast yfir auðæfi foreldra sinna, þeir segjast hinsvegar hafa verið beittir ofbeldi, meðal annars kynferðislegu, af hálfu foreldra sinna í áraraðir. 

Áhugi á máli bræðranna hefur aukist upp á síðkastið vegna sjónvarpsþátta Netflix um mál þeirra sem hófu göngu sína síðasta haust. 

Frétt af mbl.is

Endurupptaka í máli Menendez-bræðra hefst í dag

Framkoma þeirra eftirtektarverð

Dómarinn i máli bræðranna taldi rétt að milda dóm bræðranna á þann hátt að þeir eiga nú rétt á því að sækja um reynslulausn.

Framkoma bræðranna í fangelsinu síðastliðna áratugi er að sögn dómarans eftirtektarverð, hann telur þó að bræðurnir hafi átt lífstíðardóminn skilið á sínum tíma.

Bræðurnir báðust við réttarhöldin afsökunar á því að hafa myrt foreldra sína. Þeir hyggjast helga lífi sínu því að aðstoða fórnarlömb kynferðisofbeldis ef þeim verður veitt reynslulausn. 

Frétt af mbl.is

Afsökunarbeiðni vegna misnotkunar átakanleg fyrir Erik Menendez

• Blogga um frétt