Chris Brown handtekinn

Bandaríski tónlistarmaðurinn Chris Brown var handtekinn í Bretlandi fyrr í dag grunaður um alvarlega árás á næturklúbbi í London árið 2023.

Samkvæmt breskum miðlum handtók lögreglan Grammy-verðlaunahafann, sem er 36 ára, snemma í morgun á fimm stjörnu hóteli í norðvesturhluta Manchester. 

Lögregluyfirvöld í Lundúnum hafa gefið út að 36 ára gamall maður sé í haldi grunaður um alvarlega líkamsárás en hafa ekki nafngreint Brown.

Frétt af mbl.is

Chris Brown í fangelsi

Veittist að framleiðandanum með flösku

Samkvæmt heimildum The Sun var Brown handtekinn fyrir meinta líkamsárás á tónlistarframleiðandann Abe Diaw í London í lok febrúar árið 2023. Á hann að hafa veist að honum með flösku á næturklúbbnum Tape í Mayfair-hverfinu.

Brown flaug til Manchester-flugvallar með einkaþotu í gær en hann á að koma fram á nokkrum tónleikum í Bretlandi næsta mánuðinn.

Brown varð frægur ungur að árum fyrir R&B-söng sinn og síðar rapp. Orðspor hans beið hnekki vegna ásakana um heimilisofbeldi og annars konar misnotkun.

Árið 2009 var hann dæmdur fyrir að hafa barið tónlistarkonuna Rihönnu, þáverandi kærustu sína, fyrir Grammy-verðlaunahátíðina.

• Blogga um frétt