Justin Bieber rýfur þögnina

Tónlistarmaðurinn Justin Bieber hefur rofið þögnina um orðróm þess efnis að hann hafi verið eitt fórnarlamba tónlistarmógúlsins Sean „Diddy“ Combs.

Réttarhöldin yfir Combs hófust í New York á mánudag og standa nú yfir, en hann er ákærður m.a. fyrir kynlífsmansal og kærurnar varða fjölmörg meint fórnarlömb. 

Frétt af mbl.is

„Mér leið skelfilega með sjálfa mig“

Bieber gaf út yfirlýsingu í gær þar sem hann sagðist ekki hafa verið fórnarlamb Combs. 

Orðrómur hefur verið á kreiki að hann hafi orðið fyrir barðinu á rapparanum er hann sem unglingur steig sín fyrstu skref í tónlistarbransanum. Eitt af því sem ýtti undir orðróminn var myndband af þeim Bieber og Combs sem sýndi þá hanga saman í tvo sólarhringa en þeir unnu saman að plötu á þeim tíma.

Frétt af mbl.is

Réttarhöld yfir Sean „Diddy“ Combs hafin

Heimildarmenn segja Bieber hafi átt erfitt með að meðtaka fréttirnar þegar Combs var færður í gæsluvarðhald í New York í haust vegna fjölda ásakana á hendur honum. Combs var einn þeirra sem átti þátt í að byggja upp feril Biebers. Þrátt fyrir það segja heimildarmenn að Bieber hafi séð eftir að vinna með rapparanum að plötu hans Off the Grid, árið 2023.

„Ef hann hefði haft einhverja hugmynd um hvað væri í vændum hefði hann ekki unnið með Combs.“

Daily Mail

• Blogga um frétt