Samfélagsmiðlastjarna drepin í beinni útsendingu
Setja bókamerki
Ung mexíkönsk samfélagsmiðlastjarna var skotin til bana þegar hún var að ræða við þúsundir fylgjenda sinna í beinni útsendingu á TikTok á þriðjudag.
Hin 23 ára gamla Valeria Marquez var stödd á vinnustaðnum sínum, snyrtistofu í borginni Zapopan í Mexíkó, þegar maður, vopnaður byssu, gekk inn á stofuna, miðaði skotvopninu að henni og tók í gikkinn.
Marquez, sem var afar vinsæll áhrifavaldur og með yfir 113 þúsund fylgjendur á TikTok, lést samstundis.
„Halló, ertu Valeria?“
Upptaka af árásinni, sem var í mikilli dreifingu á samfélagsmiðlum, sýnir Marquez sitja við borð á snyrtistofunni með bleikt tuskudýr í fanginu.
Hún heyrist segja: „Hann er að koma.“
Rödd karlmanns heyrist þá segja: „Halló, ertu Valeria?“ Og hún svarar: „Já.“
Á því augnabliki slekkur Marquez á hljóðnemanum og nokkrum sekúndum síðar er hún skotin til bana.
Maðurinn sést ekki í myndbandinu.
Enginn grunaður
Saksóknaraembættið í borginni hefur engan grunaðan um verknaðinn að svo stöddu.
Rannsókn á dauða Marquez fer fram samkvæmt verklagsreglum um kvenmorð - morð á konum og stúlkum af kynbundnum ástæðum, en slíkum glæpum hefur farið ört fjölgandi í Mexíkó síðastliðin ár.
Einstakur fornleifafundur í Noregi
Sendi nektarmyndir: Fyrrverandi fær bætur
Tæpir 13 milljarðar í fjárstyrki á sex árum
„Það er eitthvað að, það er eitthvað klikkað“
Íran og Ísrael skiptast á ásökunum um árásir
Sami þvotturinn lenti í bruna hjá Björg og Fönn
„Heimurinn þarf á því að halda sem aldrei fyrr“