Fólk ekki sammála um úrslitin
Setja bókamerki
Þrátt fyrir að örstutt sé í úrslit Eurovision er enn löng biðröð fyrir utan St. Jakobshalle í Basel.
Efst í fréttinni birtum við myndband þar sem mbl.is tekur púlsinn á stuðningsfólki og spyr hvaða land það telji fara með sigurinn í kvöld.
Ísland númer 10 í röðinni
Alls flytja 26 lönd lög sín í kvöld. VÆB-bræðurnir stíga á svið sem tíunda atriði með lagið Róa, rétt á eftir Sviss og á undan Ástralíu.
Segjast þeir ætla að „gera sitt besta og bjóða upp á veislu“, eins og fram kom í síðasta viðtali þeirra við mbl.is þegar þeir lögðu af stað í höllina.
Dómnefnd + áhorfendur = 50/50
Í gærkvöldi fór svokallað dómararennsli fram. Þar gáfu fimm manna dómnefndir allra 37 þátttökuþjóða stig sín (12, 10, 8–1).
Þau stig telja 50% í lokaniðurstöðunni á móti atkvæðum sem berast símleiðis. Ísland opinberar eigin stigagjöf seinna í kvöld, en söngkonan Hera Björk kynnir dómnefndarstigin beint frá Reykjavík.
Hver vinnur?
Í myndbandinu má heyra allt frá öskrandi stuðningsmönnum Spánar og Svíþjóðar til aðdáenda Íslands.
mbl.is er með beina lýsingu í allt kvöld beint frá Eurovision-höllinni í Basel. Áfram Ísland!
„Allavega eitthvað samtal komið af stað“
Fimm í haldi á Akureyri vegna þriggja mála
Lögreglan lýsir eftir Sigríði
Mótmæla blokkinni á Birkimel
Krafa gerð um gæsluvarðhald
Þrír íslenskir ríkisborgarar látið vita af sér
Svona er nú komið fyrir borgarbarninu
Netanjahú: Munu gjalda dýru verði