OnlyFans-stjarna á sjúkrahúsi eftir kynmök með 583 mönnum
Setja bókamerki
OnlyFans-fyrirsætan Annie Knight var lögð inn á sjúkrahús eftir að hafa haft kynmök við 583 menn á sex klukkustundum. Hún deildi færslu á Instagram í vikunni klædd í bláan sjúkrahússlopp þar sem hún lá í rúminu.
„Ætla mætti að 583 menn á einum degi sé ekki svo gott fyrir þig,“ skrifar hún við færsluna.
Stuttu síðar deildi hún öðru myndskeiði þar sem hún er tengd við lífsmarkamæli. Við myndskeiðið gerir hún gys að eigin gjörðum og ástandi og skrifar: „Að vera inniliggjandi eftir að hafa tekið 583 [karlmenn] á einum degi var ekki á bingó-spjaldinu mínu fyrir 2025.“
Miklar blæðingar
Samkvæmt því sem hún sagði í viðtali við US Weekly í gær hefur hún haft miklar blæðingar frá því „athöfnin“ átti sér stað 18. maí sem megi rekja til skurðar sem hún fékk við bólfarirnar.
Hins vegar sé skurður ekki eina sem hrjái hana því hún er einnig með legslímuflakk: „Ég mun örugglega lifa af en það er ansi sársaukafullt í augnablikinu.“
Þess má geta að Annie Knight trúlofaði sig 5. maí síðastliðinn en sá „heppni“ heitir Henry Brayshaw.
Eitthvað virðist það vera í „tísku“ hjá OnlyFans-stjörnum að ganga fram af sér með því að sofa hjá sem flestum karlmönnum á einum degi. Í desember á síðasta ári lýsti OnlyFans-fyrirsætan Lily Phillips því yfir að hafa haft kynmök við 100 karlmenn á einum degi og stefndi á fjögurra stafa tölu árið 2025. Það var svo Bonnie Blue sem svaf hjá 1.057 karlmönnum á einum degi í byrjun þessa árs.
Tvöföld þjóðaratkvæðagreiðsla um ESB
Þúsund við tökur á Ódysseifskviðu
„Veröldin er svo sannarlega ekki fullkomin“
„Gerðu þetta annars staðar“
Öll spjót stóðu á dómsmálaráðherra
Rússar lesa Ísraelum pistilinn
Fréttamenn RÚV trúðu fullyrðingunum alls ekki