Ný Dogma-stefnuyfirlýsing kynnt

Fyrir þrjátíu árum sköpuðu fjórmenningarnir Lars von Trier, Thomas Vinterberg, Søren Kragh-Jacobsen og Kristian Levring kvikmyndastílinn Dogma 95. Nú hefur upphafleg stefnuyfirlýsing Dogma verið uppfærð og hafa fimm alþjóðlegir leikstjórar sameinast um að blása nýju lífi í kvikmyndalistina. Tilkynnt var um þetta á alþjóðlegu kvikmyndahátíðinni í Cannes sem stendur nú yfir. Sænski fjölmiðillinn SVTgreinir frá.

Stefnuyfirlýsingin samanstendur af tíu nýjum dogmum sem ætlað er að standa vörð um listræn heilindi kvikmyndaformsins á breyttum tímum. Öll handrit eiga til dæmis að vera handskrifuð og hefur leikstjórinn eitt ár til að ljúka við hverja kvikmynd frá því að hann færir fyrst orð á blað. Þá mega leikstjórar ekki styðjast við internetið í kvikmyndaferlinu. Hinir fimm nýju Dogma-leikstjórar eru May el-Toukhy, Isabella Eklöf, Milad Alami, Annika Berg og Jesper Just.