Verðlaunaleikkonan Saoirse Ronan á von á barni með eiginmanni sínum Jack Lowden. Opinberaði hún óléttu sína á viðburði franska tískuhússins Louis Vuitton sem fór fram í Avignon í Frakklandi fyrir helgi.

Er þetta fyrsta barn hinnar 31 árs gömlu Ronan, en hún giftist leikaranum Lowden í laumi á síðasta ári.

Ronan, sem er hvað þekktust fyrir hlutverk sín í stórmyndum á borð við Lady Bird, The Lovely Bones, Little Women, Brooklyn og Mary Queen of Scots, var einkar glæsileg í svörtum silkikjól og sandölum er hún stillti sér upp fyrir ljósmyndara á leið sinni inn í Palais des Papas.

Ronan og Lowden kynntust við gerð kvikmyndarinnar Mary Queen of Scots árið 2018 og hafa allar götur frá því þau kynntust reynt að halda einkalífi sínu fyrir sig.

Tengdar fréttir

Poppkúltúr

Krefst milljarða eftir meinta herferð gegn sér

• „Ég gæti farið í Brad eða Angelina“
• Matt Bomer í skýjunum með valið
• Birgitta Líf: „Vandræðalegt að eiga kærasta“
• Edrú í tvö ár og 30 kílóum léttari

» Fleiri tengdar fréttir

• Blogga um frétt