Lively ætlar að standa með sér
Setja bókamerki
Gossip Girl-stjarnan, Blake Lively, virtist hæstánægð þegar hún gekk út af Chanel Tribeca Festival listamannakvöldverðinum skömmu eftir að 400 milljón dala málsókn Justin Baldonis gegn henni og eiginmanni hennar, Ryan Reynolds, var vísað frá dómi af dómaranum Lewis J. Liman í New York-ríki í Bandaríkjunum.
Lagalegur ágreiningur milli þeirra hófst seint á seinasta ári þegar hún lagði fram kæru á hendur Baldoni sem var leikstjóri og mótleikari hennar í kvikmyndinni It Ends With Us. Þar sakaði hún hann um kynferðislega áreitni. Baldoni hafnaði öllum ásökunum og höfðaði í kjölfarið mál gegn Lively.
Leikkonan, sem er 37 ára og er þekktust fyrir hlutverk sitt í þáttaröðinni Gossip Girl, tjáði sig um úrskurðinn í gær á Instagram-reikningi sínum.
Þar segist hún vera staðráðnari en nokkru sinni fyrr í því að standa með rétti kvenna til að láta í sér heyra og standa uppi fyrir sér sjálfum.
Lögmenn Lively segja við Page six að þeir muni krefjast málskostnaðar, þrefaldra skaðabóta og miskabóta frá Baldoni vegna þess sem þeir kalla „áreitismálarekstur.“
Lögmenn Baldoni hafa enn ekki tjáð sig um málið.
Sami dómari vísaði einnig 250 milljón dala meiðyrðamálsókn Baldonis gegn New York Times frá dómi í desember 2024, þar sem miðillinn fjallaði um tilkynningu Lively um kynferðislega áreitni af hálfu Baldonis.
Íran og Ísrael skiptast á ásökunum um árásir
„Þetta eru alvarlegar ásakanir“
„Ástandið er eldfimt, óstöðugt og stórhættulegt“
Ferðamenn verið þægir í einhvern tíma
Ekki tilefni til mikillar bjartsýni fyrir fundinn
Sendi nektarmyndir: Fyrrverandi fær bætur
„Það er eitthvað að, það er eitthvað klikkað“
Ný skýrsla grefur undan árangri árásarinnar