Milljarðamæringur hneig niður í miðjum pólóleik og lést
Setja bókamerki
Milljarðamæringurinn og góðvinur Vilhjálms Bretaprins til fjölda ára, Sunjay Kapur, er látinn, 53 ára að aldri, eftir að hafa verið stunginn af býflugu.
Kapur, stjórnarformaður alþjóðlega bílahlutafyrirtækisins Sona Comstar, hneig niður í miðjum pólóleik á Englandi í gær, fimmtudaginn 12. júní, að því er fram kemur á vefsíðu breska fjölmiðilsins Mirror.
Kapur, sem var fyrrverandi eiginmaður Bollywood-stjörnunnar Karisma Kapoor, var stunginn í munninn af býflugu sem leiddi til bráðaofnæmislosts sem olli hjartastoppi.
Aðeins nokkrum klukkustundum fyrir andlát sitt heiðraði indverskættaði viðskiptajöfurinn minningu fórnarlamba flugslyssins sem varð á fimmtudaginn þegar flugvél Air India hrapaði og 241 manns létust.
Vilhjálmur hefur ekki tjáð sig opinberlega um andlát Kapur að svo stöddu.
Veit ekki hvað felst í 180 þúsund kr. kostnaðinum
Reykjavíkurborg og 25 milljóna bílastæðin
Virkjunin væri í uppnámi ef ekki væri fyrir ný lög
Segir óljóst hvort að samþjöppun muni aukast
Yfir 160 manns enn saknað í Texas
Hanna fái aðgang að „jafnaðargeðsnámskeiði“
Lítið fer fyrir sleggju Kristrúnar
Dómurinn áfellisdómur yfir löggjafanum