Eiginkonan ekki á bak við fjölskylduerjurnar

Samband Brooklyn Beckham við fjölskyldu sína hefur verið heldur stirt undanfarið. Margir telja ástæðu þess vera erfitt samband Nicolu Peltz, eiginkonu hans, og Victoriu Beckham, móður hans.

Í vikunni birti Peltz myndir af fjölskyldu sinni og Beckham fagna afmæli föður hennar. Þetta vakti athygli þar sem Beckham mætti ekki í neina af afmælisfögnuðum föður síns í vor.

Frétt af k100.is

Allt í háalofti hjá Beckham-fjölskyldunni

Þar að auki sendi Beckham tengadaföður sínum afmæliskveðju á samfélagsmiðlum. Það gerði hann ekki á afmælum foreldra sinna sem þótti skrýtið þar sem fjölskyldan er þekkt fyrir að hylla hvert annað á samfélagsmiðlum.

Maðurinn er fullorðinn

Nicola Peltz sendi skilaboð um að hún væri ekki á bak við fjölskylduerjurnar þegar hún lækaði athugasemd á Instagram sem bendir á að Beckham taki sínar eigin ákvarðanir. 

„Það er fáránlegt að fólk skuli tala um að einhver stjórni fullorðnum manni í þessum athugasemdum. Maðurinn er fullorðinn og getur tekið sínar eigin ákvarðanir, látið þau í friði og hættið að kenna konum um allt,“ segir athugasemdin.

Kenningar um að Brooklyn Beckham fjarlægist fjölskyldu sína vegna ósættis við yngri bróður sinn Romeo eru einnig á kreiki en Romeo byrjaði á síðasta ári með Kim Turnbull sem Brooklyn á að hafa slegið sér upp með á unglingsárunum. Romeo Beckham og Kim Turnbull héldu hvort í sína áttina í júní.

Frétt af mbl.is

Er þetta konan á bak við fjölskylduerjurnar?

• Blogga um frétt