Addison Rae hitar upp fyrir Lönu Del Rey

Tónlistarkonan, TikTok-stjarnan og Íslandsvinurinn Addison Rae hitar upp fyrir Lönu Del Rey á tónleikum hennar á Wembley. Söngkonurnar sungu saman slagara Addison Rae Diet Pepsi og óútgefið lag Lönu Del Rey í gær.

Frétt af mbl.is

Ísland vekur athygli í nýju tónlistarmyndbandi

Addison skaust fyrst á stjörnuhimininn á TikTok en hefur á síðasta ári haslað sér völl í poppsenunni. Hún gaf út sína fyrstu plötu snemma í júní og hlaut lof fyrir. Þá hefur fólk dáðst að henni fyrir hvernig henni hefur tekist að breyta ímynd sinni, frá TikTok-stjörnu í tónlistakonu sem er tekin alvarlega.

Hún heldur sjálf í sitt fyrsta tónleikaferðalag um Norður-Ameríku, Evrópu og Ástralíu í ágúst.

Ónefnd tíunda plata

Lana Del Rey er nú á tónleikaferðalagi um Bretland og Írland. Hljómsveitin London Grammar og tónlistarkonan Banks hafa hitað upp fyrir hana á fyrri tónleikum.

Tíunda plata söngkonunnar átti að koma út í maí og ætla má að hún hafi ætlað að flytja plötuna á tónleikaferðalaginu. Tvö lög af plötunni hafa verið gefin út en útgáfu hennar hefur seinkað. Upphaflega nafn plötunnar var Lasso, því var breytt í The Right Person Will Stay en nú er óljóst hvert nafnið verður og hvenær aðdáendur megi búast við henni.

• Blogga um frétt